მათთვის, ვისაც აგარაკზე თუ მუდმივ საცხოვრებელ სახლში გარე აუზიც განთავსებული აქვს, ზაფხულის მცხუნვარე მზის გამოჩენა ერთ ძალიან მნიშვნელოვან საკითხს უკავშირდება: დიდი ზამთრის შემდეგ, აუზის ცხელი ზაფხულის გასაგრილებლად მომზადება.
როგორც წესი, ყველა საცურაო აუზს თან ახლავს თავისი გამწმენდი სისტემა, რომელიც წყლის ცირკულაციის ტუმბოსა და ფილტრაციის სისტემას მოიცავს. თუმცა, ეს არ არის ერთადერთი მოწყობილობა, რომელიც აუზის სისუფთავის შესანარჩუნებლად და მისი უსაფრთხოდ მოხამრებისათვის საკმარისია.
იმისათვის, რომ აუზი მაქსიმალური წესების დაცვით გასუფთავდეს, შემდეგი ხელსაწყოების ჩამონათვალი დაგჭირდებათ:
- აუზის ბადე/აუზის სკიმერი – აუზის ზედაპირიდან ჭუჭყის, მწერების, ფოთლებისა და ნადების ხელით მოსაშორებლად.
- აუზის ჯაგრისი – აუზის კიდეების, ტუმბოს, სკიმერების და ჭავლების მარტივი წმენდისთვის.
- მტვერსასრუტები და რობოტები – აუზის ფსკერის გასაწმენდად.
- აუზის ქიმიური საწმენდი საშუალებები – წყლის ტესტირებისა და ბალანსის შესანარჩუნებლად. ეს მოიცავს წყლის ტესტირების ნაკრებს, წყალმცენარეების საწინააღმდეგო საშუალებას, სადეზინფექციო საშუალებას (ძირითადად ქლორს, ბრომს ან მარილს) და pH-ის გამაძლიერებელს.
მას შემდეგ, რაც აუზის მოვლისათვის საჭირო ამ ნაკრებს თავს მოუყრით, მისი სრულად გაწმენდისა და საცურაოდ მომზადებისათვის შემდეგი მარტივი ნაბიჯები უნდა გადადგათ:
1. დასუფთავების გრაფიკის შექმნა
აუზის საზაფხულოდ მომზადება მხოლოდ ერთდღიანი დავალება არ არის. ეს არის პროცესი, რომელიც რიტუალივით უნდა შეინარჩუნოთ მანამ, სანამ აუზით ერთი ადამიანი მაინც ისარგებლებს. შესაბამისად, პროცესის რუტინაში ჩასართავად და შესანარჩუნებლად, შექმენით აუზის დასუფთავების გრაფიკი. დასუფთავების რუტინა დაგეხმარებათ, რომ თქვენი აუზის სისუფთავე უფრო დიდხანს შეინარჩუნოთ ისე, რომ წყლის შეცვლა არ დაგჭირდეთ.
2. ტუმბოს ამუშავება
გამოზამთრების შემდეგ, დროა ისევ ამუშაოთ ტუმბო წყლის ცირკულაციისათვის. ტუმბო, დღეში, მინიმუმ 10-12 საათის განმავლობაში უნდა მუშაობდეს.
3. აუზის pH დონის შემოწმება
შეამოწმეთ და საჭიროების შემთხვევაში, დააბალანსეთ აუზის წყალი. აუზში, pH-ის დონე დაახლოებით 7.0 – 7.5 უნდა იყოს. შესაბამისად, გაზარდეთ pH თუ დონე დაბალ ნიშნულს გიჩვენებსთ და თუ, პირიქით, pH-ის დონე მაღალია, მაშინ მის დასაბალანსებლად შესაბამისი დამწევი რეაგენტი გამოიყენეთ.
4. ბზარებისა და ნახეთქების შემოწმება
აუზის გახსნისას, შეამოწმეთ ბზარები, გაჟონვა და სხვა მსგავსი პრობლემების გამომოწვევი ფაქტორები თქვენს აუზში. თუ რომელიმე მათგანს აღმოაჩენთ, აუცილებელია სწრაფი რეაგირება.
5. რობოტებისა და მტვერსასრუტების გამოყენება
აუზის ფსკერის გასასუფთავებლად, გამოიყენეთ რობოტი ან მექანიკური მტვერსასრუტი. თუ შეამჩნევთ, რომ ყოველდღიურობაში აუზში ჭუჭყი გროვდება – გაწმინდეთ ადგილზევე ან მას შემდეგ, რაც აუზით ისარგებლებთ.
6. აუზის კიდეებისა და ფილების გაწმენდა
ჯაგრისით ან სველი ქსოვილის გამოყენებით, გაწმინდეთ აუზის კიდეები, ფილები, სკიმერები, უკურეცხვის სისტემა და ჭავლები.
7. წყალმცენარეებისგან თავის დაცვა
საჭიროებისამებრ, გამოიყენეთ წყალმცენარეების საწინააღმდეგო საშუალება, რაც არსებულ წყალმცენარეებსაც გაანადგურებს და ასევე, დაგეხმარებათ ახალი ბაქტერიების დონის მინიმიზაციაშიც.
8. სადეზინფექციო საშუალებების გამოყენება
ერთ-ერთი ყველაზე მნიშვნელოვანი ნაწილი აუზის წყლის უსაფრთხოების შენარჩუნებაა, რასაც სადეზინფეციო საშუალებების გამოყენებით მოახერხებთ. ამ მხრივ, საქართველოში ერთ-ერთი ყველაზე გავრცელებული ქლორის ტაბლეტების, გრანულების ან მისი სხვა ფორმით გამოყენებაა.
აუზებს და მისთვის საჭირო ყველა ინვენტარს კი ყველაზე მარტივად, MyMarket-ზე იპოვი.
