ზამთრის სეზონის მოახლოებასთან ერთად, უფრო და უფრო აქტუალური ხდება სათხილამურო ინვენტარის განახლების, ან სულაც პირველად შეძენის საკითხი. ნებისმიერ შემთხვევაში, ასეთ დროს, მნიშვნელოვანია ვიცოდეთ, თუ როგორ შევარჩიოთ ჩვენს საჭიროებებზე მორგებული ინვენტარი, რათა თავიდან ავირიდოთ დამატებითი, გაუთვალისწინებელი ხარჯები და მზად დავხვდეთ ყველაზე ცივ და ამავდროულად, სასიამოვნო წელიწადის დროს.
თხილამურები
თხილამურების არჩევისას ყველაზე მნიშვნელოვანი ფაქტორია იმ რელიეფის გათვალისწინება, სადაც სრიალს აპირებთ. მაგალითად, მნიშვნელობა აქვს, უპირატესობას ანიჭებთ დატკეპნილ, მოსწორებულ ტრასას, თუ დათოვლილსა და გაუკვალავს, რადგან განსხვავებულ პირობებში, სხვადასხვა ტიპის თხილამური უკეთესად შეასრულებს დაკისრებულ მოვალეობას.
- All-Mountain – საუკეთესოა დატკეპნილი რელიეფის ან დატკეპნილისა და დათოვლილის ნაზავისთვის. All-mountain თხილამურებს, ზოგჯერ, Carving თხილამურებსაც უწოდებენ და ისინი შესაბამისია ნებისმიერი ასაკობრივი ჯგუფისთვის და ნებისმიერი გამოცდილების მქონე მოთხილამურისთვის. ვიწრო, 85მმ-მდე სიგანის მქონე თხილამურები, როგორც წესი, “წინა მხარის თხილამურებად” მიიჩნევა და ძირითადად, განკუთვნილია დატკეპნილი ტრასებისთვის. ხოლო, All-mountain თხილამურები, სიგანით 85-95მმ შუალედში, საუკეთესოა დატკეპნილისა და დათოვლილის მიქსისთვის. რაც შეეხება 90-109მმ სიგანის თხილამურებს, ისინი რბილ თოვლში ფლოტაციის შესაძლებლობას იძლევა თანაც ისე, რომ დატკეპნილ ტრასაზეც არ დაკარგოს მოქნილობა.
- Powder Skies – როგორც ამას სახელიც მიგვანიშნებს, ეს თხილამურები იდეალურია ღრმა თოვლში სასრიალოდ. მისი სიგანე, როგორც წესი, მამაკაცებისთვის 109მმ-იდან, ხოლო ქალებისთვის, 100მმ-იდან იწყება. და უფრო მაღალი ქალის თხილამურებისთვის, რათა ფლოტაცია უზრუნველყოს და სერფინგისმაგვარი შეგრძნებები გამოიწვიოს.
- Backcountry და Freeride– backcountry თხილამურების სპეციალური დამაგრებადი ზედაპირის დახმარებით, ამ თხილამურებით აღმართზე ასვლა უპრობლემოდ შეგიძლიათ, რათა მთის მწვერვალიდან დაეშვათ. რაც შეეხება freeride-ს, იგი მთის ველურ, უკონტროლო უბნებს იპყრობს, თუმცა ამ შემთხვევაში, აუცილებლად გაითვალისწინეთ და მოერიდეთ ზვავსაშიშ ტერიტორიებს.
სათხილამურო ფეხსაცმელი
თხილამურის ფეხსაცმელი მყარი გარე გარსისა და რბილი შიდა ფენისგან შედგება. ზოგიერთ მათგანს, უფრო კომფორტულად მორგებისათვის, ფორმირებადი შიდა ფენები გააჩნია. ფეხსაცმელები ერთმანეთისაგან მოქნილობის დიაპაზონით განსხვავდება და “მოქნილობის ინდექსი” მოთხილამურის შესაძლებლობებთანაა დაკავშირებული. რაც უფრო მაღალია მოქნილობის ინდექსის მაჩვენებელი, მით უფრო ხისტია ფეხსაცმელიც და მეტად გამოცდილ მოთხილამურეებზე გათვლილიც. დამწყებთათვის, რბილი და მოქნილი (მოქნილობის ინდექსი: 85 მამაკაცებისთვის, 75 ქალებისთვის) საუკეთესო არჩევანია. საშუალო დონის მოთხილამურეებისთვის საშუალო მოქნილობა (მოქნილობის ინდექსი: 90 – 110 მამაკაცებისთვის, 80 – 95 ქალებისთვის) შესანიშნავი იქნება, თუნდაც უფრო ციცაბო რელიეფზე. უფრო გამოცდილ და პროფესიონალ მოთხილამურეებს კი თამამად შეუძლიათ ხისტი ფეხსაცმელი შეარჩიონ (მოქნილობის ინდექსი: 115-იდან მამაკაცებისთვის, 100-იდან ქალებისთვის). ხისტი მოქნილობის ფეხსაცმელები სიჩქარის აკრებისა და ციცაბო რელიეფისთვის არის გათვლილი.
სათხილამურო სათვალე
სათვალე ერთ-ერთი უმნიშვნელოვანესი ატრიბუტია სრიალის დროს. თოვლზე მზის ასახვით, ულტრაიისფერი სხივები შეიძლება საზიანო იყოს თვალებისთვის. დარწმუნდით, რომ თქვენს მიერ არჩეული სათვალე თავსებადია თქვენს ჩაფხუტთან და არის მჭიდრო, მაგრამ არა ძალიან მჭიდრო.
ჩაფხუტი
დამწყები მოთხილამურე ხართ თუ ექსპერტი, ხარისხიანი ჩაფხუტი ნებისმიერ შემთხვევაში თანაბრად საჭიროა. ჩაფხუტს მყარი გარე გარსი და ქაფიანი შიდა ლაინერი უნდა ჰქონდეს. იგი არა მხოლოდ დაცემით ან ბლაგვი/ბასრი საგნის თავში მოხვედრით გამოწვეული მძიმე ტრავმებისაგან გიცავთ, არამედ სითბოს შენარჩუნებაშიც გეხმარებათ. ჩაფხუტის შეძენისას, დარწმუნდით, რომ თქვენი ჩაფხუტი თოვლის ჩაფხუტის აშშ-ს ASTM F2040 ან ევროპულ CE EN1077 სერტიფიკაციის სტანდარტს აკმაყოფილებს.
სათხილამურო ინვენტარის მრავალფეროვანი არჩევანი Mymarket-ზე
მიუხედავად იმისა, რომ ზემოთ ჩამოთვლილი თითოეული ინვენტარი ზამთრის სპორტით დაკავებისათვის უპირობო აუცილებლობაა, მათი შეძენა, ზოგჯერ, შესაძლოა საკმაოდ დიდ თანხებს უკავშირდებოდეს, ზოგჯერ კი, ისეც ხდება, რომ ფინანსების ქონის შემთხვევაშიც კი, თქვენთვის სასურველ მოდელის პოვნა მაინც საკმაოდ რთულდება. ასეთ დროს, ბიუჯეტური, თუ ლიმიტირებული კოლექციების მოძებნა mymarket-ზე, საქართველოში მეორეული და ახალი ნივთების ყველაზე დიდ ონლაინ პლატფორმაზე შეგიძლიათ. ვებგვერდზე, თქვენი ინტერესების შესაბამისი ასობით ნივთი დაგხვდებათ და შეძენისა და მიტანის ყველაზე კომფორტული სერვისითაც ისარგებლებთ.
