მეორადი iPhone-ის შეძენა, ხშირად, ჭკვიანური და ეკონომიური არჩევანია, რა დროსაც მნიშვნელოვანია იყოთ მაქსიმალურად ინფორმირებული, რათა თავიდან აირიდოთ მეორადი ტექნიკის პოტენციური ხარვეზები. სწორედ ამიტომ, ამ ბლოგში, მოცემულია ყოვლისმომცველი სახელმძღვანელო იმის შესახებ, თუ რას უნდა მიაქციოთ ყურადღება, რათა ორიგინალი და კარგ მდგომარეობაში მყოფი მოწყობილობა შეიძინოთ.
1. შეამოწმეთ ორიგინალია თუ არა iPhone
iPhone-ის ავთენტურობის დადგენა გადამწყვეტი ფაქტორია, როდესაც გსურთ Apple-ის მეორადი სმარტფონი შეიძინოთ, რისთვისაც რამდენიმე დეტალს უნდა მიაქციოთ ყურადღება:
- IMEI ნომერი: ყველა iPhone-ს უნიკალური საერთაშორისო მობილური მოწყობილობის საიდენტიფიკაციო ნომერი (IMEI) აქვს მინიჭებული. ამ ნომრის სმარტფონზე პოვნა, ძალიან მარტივად, ციფრულ კლავიატურაზე *#06#-ის აკრეფით ან შემდეგი ნაბიჯების გავლით შეგიძლიათ: პარამეტრები (Settings) > ზოგადი (General) > შესახებ (About), სადაც IMEI კოდი გამოგიჩნდებათ. მისი გადამოწმება Apple-ის ოფიციალურ ვებგვერდზე შეგიძლიათ, რათა მობილურის ავთენტურობაში დარწმუნდეთ.
- სერიული ნომერი: IMEI-ის მსგავსად, შესაძლებელია სერიული ნომრის შემოწმებაც, კვლავ Apple-ის ვებგვერდზე, რაც ინფორმაციას ტელეფონის საგარანტიო სტატუსის შესახებ გაძლევთ.
- ვიზუალური დათვალიერება: გარდა იმისა, რომ ნაკაწრები თუ ბზარები თვალით მარტივად შესამჩნევია, არ უნდა დაგავიწყდეთ Apple-ის ლოგოს შემოწმება. ყალბი iPhone-ს ხშირად აქვს მცირე განსხვავებები დიზაინსა და მშენებლობის ხარისხში.
2. ბატარეის მდგომარეობა
მობილიურის ბატარეა ერთ-ერთი ყველაზე მნიშვნელოვანი კომპონენტია, რომელიც მეორადი iPhone-ის ყიდვისას უნდა შეამოწმოთ:
iPhone-ების, რომლებსაც iOS 11.3 ან უფრო ახალი ვერსია აქვთ, ბატარეის მდგომარეობის შემოწმება ერთ წუთს მოითხოვს, უფრო სწორად, გახსენით მენიუ და გაიარეთ შმედგეი საფეხურები: ფუნქცია პარამეტრებში (Settings) > ბატარეა (Battery) > ბატარეის ჯანმრთელობა (Battery Health). ეს გიჩვენებთ ბატარეის ამჟამინდელ მდგომარეობას. როგორც წესი, ჯანსაღი ბატარეა უნდა იყოს 80%-ზე მეტი.
3. iCloud და აქტივაცია
დარწმუნდით, რომ iPhone არ არის დაკავშირებული წინა მფლობელის iCloud ანგარიშთნ, რისთვისაც საჭიროა:
- iCloud Lock: სთხოვეთ გამყიდველს წაშალოს ყველა წინარე კონტენტი და პარამეტრები შემდეგნაირად: პარამეტრები (Settings) > ზოგადი (General) > გადატვირთვა(Reset) > წაშალოს მთელი კონტენტი და პარამეტრები (Erase All Content and Settings). ამ გზით, წაიშლება ტელეფონთან დაკავშირებული iCloud-ის ანგარიში.
სად შევიძინო მეორადი iPhone?
Mymarket.ge ახალი და მეორადი ნივთების ყველაზე დიდი ციფრული პლატფორმაა, სადაც სხვადასხვა გამყიდველის მიერ ატვირთული ათასობით მოწყობილობისა და ნივთის პოვნაა შესაძლებელი, მათ შორის, ძალიან ხშირი და პოპულარულია Apple-ის iPhone, რომლის როგორც უახლეს, ასევე შედარებით ადრეულ წლებში გამოშვებულ მოდელებსაც შეხვდებით. ვებგვერდზე შოპინგისას, დამატებითი კომფორტისთვის, შეგიძლიათ mymarket-ის საკურიერო მომსახურებით ისარგებლოთ და ყიდვა-გაყიდვის პროცესი ციფრული სივრცის დატოვების გარეშე მოაგვაროთ.