Trade In, მსოფლიოს მასშტაბით, ძალიან პოპულარული და მოთხოვნადი ფუნქციონალია, რომელსაც სხვადასხვა ტიპის ელექტრონული კომერცია, თუ უბრალოდ ბრენდი თავიანთ მომხმარებელს სთვაზობს. Trade In, როგორც წესი, გულისხმობს ძველი ნივთის ახლით გაცვლას ან ძველი ნივთის ჩაბარებას და სანაცვლოდ ფულადი ანაზღაურების მიღებას. იმის გათვალისწინებით, რომ mymarket საქართველოში ახალი და მეორადი ტექნიკის ყველაზე დიდი პლატფორმაა, trade in ფუნქცია ჩვენს ვებგვერდზეც დიდი პოპულარობით სარგებლობს და ამ ბლოგში, მათ, ვისაც ამ ფუნქციონალით ჯერ არ გისარგებლიათ, რამდენიმე საინტერესო დეტალს გავაცნობთ:
რას გულისხმობს Trade In mymarket-ზე?
mymarket-ზე Trade In ძველი ტექნიკის ჩაბარების სანაცვლოდ, შესაბამისი თანხის მიღებას გულისხმობს. ამ ეტაპზე, პლატფორმის საშუალებით, შესაძლებელია Iphone-ის, სმარტ საათისა (Apple Watch) და ტაბლეტის (i Pad) გაცვლა.
როგორ ვისარგებლო Trade In ფუნქციონალით?
Trade In გვერდზე გადასვლის ღილაკს, mymarket-ის საწყის გვერდზე, ლოგოს ქვეშ მოცემულ ჰედერში იპოვი. თავად ფუნქციონალით სარგებლობა ძალიან მარტივია და ამისათვის, სამი უმნიშვნელო ნაბიჯის გადადგმაა საჭირო:
- აირჩიე შენი ძველი ნივთის შესაბამისი კატეგორია და დაიწყე მისი მონაცემებისა და ტექნიკური მახასიათებლების დეტალურად შეყვანა;
- mymarket-ის კურიერის სწრაფი მომსახურებით, გამოგვიგზავნე ნივთი, რათა მისი ზუსტი შეფასების მოწოდება შევძლოთ;
- დაელოდე თანხის ასახვას შენ მიერ წინასწარ მითითებულ ანგარიშზე.
მნიშვნელოვანია, რომ ტექნიკის სავარაუდო ღირებულება მისი მონაცემების შეყვანისთანავე გამოგიჩნდებათ, თუმცა საბოლოო რიცხვი მხოლოდ ნივთის ფიზიკური დათვალიერების შემდეგ გახდება ცნობილი.
როგორ ხდება ნივთის შეფასება?
ნივთის შეფასებისას განსაკუთრებული ყურადღება რამდენიმე მნიშვნელოვან დეტალს ეთმობა, მათ შორის, ტექნიკის მოდელი და გამოშვების წელი, მონაცემები, ატრიბუტიკა და აქსესუარები, რომელიც მოჰყვება და რა თქმა უნდა, მისი ფიზიკური მდგომარეობა.
როგორ ხდება თანხის ანაზღაურება?
რაც მთავარია, ძველი ნივთის სანაცვლოდ, თანხას უსწრაფესად, პროცედურების დაცვით ჩატარებული ფიზიკური შემოწმების შემდეგ, მეორე დღესვე მიიღებ.