ფოტოგრაფიის სიყვარული ბევრ ადამიანს სამოყვარულო ფოტოგრაფიიდან პროფესიონალურისაკენ უკვალავს გზას, რა დროსაც, პირველ რიგში, მნიშვნელოვანია იპოვოთ ზუსტად ის პოროფესიონალური აპარატი, რომელიც განვითარებასა და დახვეწაში დაგეხმარებათ. ამასთანავე, დასაწყისისთვის გასათვალისწინებელია ისიც, რომ აპარატის შერჩევისას მნიშვნელოვანია იცოდეთ შესაბამისი ბიუჯეტი, რაში ჩატევაც გსურთ. სწორედ ამიტომ, ხშირ შემთხვევაში, ადამიანების უმრავლესობა, სამოყვარულო, თუ დამწყები პროფესიონალური მიზნებისთვის, უპირატესობას მეორადი ფოტოაპარატის შეძენას ანიჭებს, რა დროსაც მნიშვნელოვანია იცოდეთ, თუ რა მახასიათებლებსა და დეტალებს მიაქციოთ ყურადღება. იმისათვის, რომ საქმე ოდნავ მაინც გაგიმარტივოთ, ამ ბლოგში რამდენიმე მნიშვნელოვანი ასპექტი გამოვყავით, რომელიც აპარატის მოკვლევისა და შეძენის პროცესს გაგიმარტივებთ:
- ფოტოაპარატის მოდელი
დაუთმეთ დრო კამერის სხვადასხვა მოდელების კვლევას, რათა გაერკვიოთ მათ მახასიათებლებში. მოძებნეთ მიმოხილვები და შედარებები ინტერნეტში, რათა გაიგოთ, რომელი მოდელია თქვენი ფოტოგრაფიის სტილისთვის შესაფერისი. ფოტოაპარატების მიმოხილვის პოპულარული ვებგვერდები შემდეგია DPreview, Camera Labs და Photography Life.
- ჩამკეტის (shutter) რაოდენობა
აპარტის ჩამკეტის რაოდენობა ავტომობილის გარბენის მსგავსია. იგი მიუთითებს, თუ რამდენჯერ გააქტიურდა ჩამკეტი. კამერის თითოეულ მოდელს აქვს ჩამკეტის სიცოცხლის ხანგრძლივობა და ჩამკეტის რაოდენობის ცოდნამ შეიძლება წარმოდგენა მოგცეთ იმის შესახებ, თუ რამდენად გამოყენებულია ფოტოაპარატი.
- ფიზიკური მდგომარეობა
გულდასმით შეამოწმეთ აპარატის ფიზიკური მდგომარეობა, მათ შორის:
– ლინზის სამაგრი: დარწმუნდით, რომ ის არ არის ზედმეტად დაზიანებული.
– ღილაკები: შეამოწმეთ ღილაკები, რათა დარწმუნდეთ, რომ ისინი რეაგირებენ და გამართულად ფუნქციონირებენ.
– ეკრანი: მოძებნეთ ნაკაწრები, ბზარები ან სხვა დაზიანება.
– ბატარეის განყოფილება: შეამოწმეთ კოროზიის ან დაზიანების ნიშნები.
მცირე კოსმეტიკური პრობლემებმა შესაძლოა არ იმოქმედოს შესრულების ხარისხზე, მაგრამ მნიშვნელოვანი დაზიანება ან ცვეთა ნამდვილად საჭიროებს ყურადღებას.
- გატესტვა
ავტოფოკუსი: შეამოწმეთ ავტოფოკუსი სხვადასხვა განათების პირობებში და სხვადასხვა საგნებთან.
სურათის ხარისხი: გადაიღეთ კადრის ნიმუში და შეამოწმეთ მკვდარ პიქსელებზე, სენსორის მტვერსა და ფერის პრობლემებზე.
ექსპოზიცია და გაზომვა: შეამოწმეთ, აპარატი ზუსტად ზომავს თუ არა სინათლეს და არეგულირებს ექსპოზიციას.
ლინზის ფუნქციონალობა: თუ ყიდულობთ ლინზას, დარწმუნდით, რომ ის სწორად არის ფოკუსირებული და რომ მასშტაბირება და დიაფრაგმის მექანიზმები შეუფერხებლად მუშაობს.